Bakı. Trend:
Bakıda keçirilən minifutbol üzrə dünya çempionatı davam edir.
Trend xəbər verir ki, bu gün yarışın 1/8 final mərhələsinə yekun vurulub və Milli Gimnastika Arenasında 1/4 finala yüksələn son dörd komanda bəlli olub.
Günün ilk qarşılaşmasında Monteneqro və Polşa milliləri üz-üzə gəlib. Monteneqrolular rəqibinə 1:0 hesabı ilə qalib gələrək növbəti mərhələyə adlayıblar.
Bosniya və Herseqovina ilə Çexiya yığmalarına da 1/4 finala vəsiqə qazanmaq asan olmayıb. Hər iki komanda gərgin mübarizə fonunda mərhələ adlamağı bacarıb.
Yarışın favoritlərindən sayılan Serbiya isə Gürcüstan yığmasını məğlub edərək adını növbəti mərhələyə yazdırıb.
Qeyd edək ki, 1/4 finalın mayın 27-də müəyyənləşən ilk iki cütündə Azərbaycan İngiltərə ilə, Mavritaniya Macarıstanla qarşılaşacaq.
17:30. Monteneqro - Polşa - 1:0
19:00. Bosniya və Herseqovina - Tailand - 3:1
20:30. Çexiya - İsrail - 4:1
22:00. Serbiya – Gürcüstan - 3:2